Die Date is ‘n aangrypende kortfilm wat die donkerkant van aanlyn vlerksleep en die gevare van die digitale wêreld ondersoek. Die storie ontvou wanneer ‘n jong vrou Jadine, nadat sy met ‘n sjarmante vreemdeling op ‘n afspraaktoep kontak gemaak het, besluit om hom vir ‘n afspraak te ontmoet. Haar aanvanklike opwinding en hoop maak gou plek vir gevoelens van ongemak wanneer sy ware intensies na vore kom.