Palestina, Noorweë (2024)
Basel Adra, ‘n jong Palestynse aktivis uit Masafer Yatta op die Wesbank, veg sedert sy kinderjare teen die massa-uitdrywing van sy gemeenskap weens Israel se besetting. Hy dokumenteer die stadige uitwissing van die dorpe in sy streek, waar soldate wat deur die Israelse regering ontplooi is, stadig maar seker huise afbreek en die inwoners verdryf. Uiteindelik ontmoet hy Yuval, ‘n Israelse joernalis, wat hom ondersteun in sy pogings. ‘n Onwaarskynlike alliansie ontstaan. Die verhouding tussen die twee word egter belemmer deur die enorme ongelykheid tussen hulle: Basel leef onder militêre besetting, terwyl Yuval vry en sonder beperkings leef. Hierdie film deur ‘n Palestyns-Israelse kollektief van vier jong aktiviste is gemaak as ‘n daad van kreatiewe weerstand op die pad na groter geregtigheid.