Die kind se naam was Isabella Dolorosa van Tonder, maar haar Granny het haar Tinkerbell genoem. Amanda Strydom as Nella Petersen vertel ’n storie van hoop, wonderlike avonture, selfontdekking, en oplaas tuiskoms na jou komvandaan, verweef met musiek wat verwerk is en begelei word deur haar vaste pianis, Coenraad Rall. “Life is a journey, wie is djy nou om die transport te question?” In Afrikaans, Engels, Khoi, Frans en Nederlands.