Verbode Gedagtes in Stereo is geïnspireer deur die Facebook-blad I Regret Having Children, en verken die gedagtes van ‘n jong, suksesvolle sjef. Sy reflekteer oor dinge wat die meeste mense ervaar en oor dink, maar nooit durf hardop sê nie. Hierdie toneelstuk stel dit wat ons dink versus dit wat ons sê in sterk kontras, en bevraagteken of dit beter is om te sê wat in jou kop aangaan of om daardie gedagtes agter slot en grendel te hou.