Die samekoms van drie kunstenaars, drie uiteenlopende stemme, drie persoonlikhede - in een produksie op een verhoog: Drie van die Bestes! Ondanks elkeen se uiteenlopende musiekstyl in hierdie vertoning - van pop, tot ballades en ligte klassieke musiek - is dit veral hul a capella- en samesang wat hul ’n gedugte kombinasie maak op die verhoog. In hierdie vertoning span hulle ook kragte saam met die bekende pianis en musiekregisseur, Johan Kelber vir ’n ongelooflike musikale reis!