Prooi/Prey is ‘n meesleurende teaterervaring waarin die gehoor ervaar hoe ‘n sindikaat te werk gaan. Met hul aankoms by die vertoning word die gehoor in twee groepe verdeel. Albei groepe ervaar drie stories gelyktydig op ‘n roterende basis. Die werk vertel die verhaal van ‘n jong meisie wat geëmigreer het en vir mensehandel geteiken word, ‘n ouer seun wat vir sy organe verkoop gaan word, en die hoofleier van die sindikaat.