Onthou jy die tyd van Springbokradio, Die pad oor Kleinbegin en Staal Burger? Bring jou verbeelding, ’n kombers vir die koue, ’n glasie rooiwyn en kom sit naby aan mekaar vir ’n outydse spookstorieaand. Die vure brand al in die amfiteater waar die UV se Departement Drama- en Teaterkuns ons gaan terugneem na die einste Springbokradio met C.J. Langenhoven se spookstories as lewendige radiodramas; na ’n wêreld waar dit sweerlik werklik spook.