Die Koning en sy Bruid ondersoek op ongewone wyse elemente van die magspel binne die Afrikaner se geskiedenis en kultuur. Hierdie sestig minuut lange tragikomedie verken die verborge magsug tussen manlike en vroulike kragte en hoe dit bemoeilik word deur ‘n onverwagte behoefte aan konneksie. Die karakters stel hul wêreld bloot aan die gehoor, net om elke gehoorlid by hul gevangenisskap te betrek.